Nú fer þetta alveg að bresta á - gaman, gaman!!!  Mæting virðist verða góð, margir búnir að skrá sig og eflaust fleiri að huga að skráningu.  Okkur þætti vænt um að sem flestir skrái sig fyrir fimmtudag þannig að við getum áætlað hvað við þurfum að kaupa inn af veitingum og þess háttar.  Veðurspá er góð fyrir helgina - norðanátt og næsheit, aldrei þessu vant   Annars er veður búið að vera gott síðustu daga, þó svo að bændur í ættinni dansi regndans öll kvöld.  Endilega skráið ykkur sem flest og sem fyrst...  Kveðja, Helgabörn og þeirra viðhengi

Jæja, nú er bankamaðurinn í systkinahópnum búinn að redda nýjum bankareikningi til að leggja inná.  Lágmarksinnlegg á þeim sem við gáfum upp í bréfinu var nefnilega kr. 200.000 - spurning hvort einhver sé með svo stóra fjölskyldu   Hér eru alla vegana nýjar bankaupplýsingar:

Kt:  300748-3339

Bnr:  0111-05-270380  

Endilega farið nú að skrá ykkur svo við getum farið að plana veitingarnar og tjaldaðstöðuna.  Muna bara að senda kvittun til okkar, annað hvort á netfangið omargret@simnet.is eða í pósti.

Lambhaga 7. júlí 2007

Kæru frænkur, frændur og fylgifé!

Nú styttist í fastan lið hjá fjölskyldunni en það er hið “annaðhvertárlega” ættarmót afkomenda Jónsbarnanna frá Selalæk.  Eins og undanfarin ár verður það síðustu helgina í júlí, núna helgina 28-29. júlí.  Nú er komið að okkur Helgabörnum að sjá um hátíðina.

En það sem breytist frá því sem áður hefur verið, er að við höfum ákveðið að hafa það í túngarðinum heima, þ.e.a.s. í Lambhaga.  Er það gert til að við þurfum ekki að redda bílstjóra fyrir okkur.  Í Lambhaga er bæði rólóvöllur og trampólín, sem og fótboltavöllur. Tjaldaðstaða er fyrir norðan gamla húsið, þannig að nokkuð rúmt er um tjöld, hjólhýsi, fellihýsi og annað sem menn kæra sig um að koma með til að gista í. Salernisaðstaða er einnig í gamla húsinu sem og því nýja. Við höfum ekki stórar áhyggur af veðri, því þá munum við flytja ættarmótið inní hús.

Dagskrá verður nokkuð frjálsleg en hún er u.þ.b. svona:

12:00 Mæting.  (Þeir sem vilja mega koma fyrr og koma sér fyrir)

14:00 Leikir fyrir börn á öllum aldri.

16:00 Kaffitími

16:30 Áframhaldandi leikir og skemmtun.

19:00 Kveikt á grillunum.

23:00 Varðeldur. (Ef veður leyfir)

00:00 Glaumur og gleði.

07:30 Morgunmatur.

08:00 Fjós.

Á matseðlinum eru pylsur, hamborgarar og gos. Auðvitað hvetjum við alla til að koma með söngvatn og mikið af því!!!!  Ef einhver kann að spila á gítar endilega taka hann með (gítarinn sko).

Við höfum líka stofnað bloggsíðu fyrir ættarmótið: http://www.selalaekjaraett.blog.is/

Þar munum við bæta við upplýsingum inná, m.a. mun Ómar vera með veðurlýsingar reglulega.  Verðlaunagetraun verður þar einnig þar sem menn geta (ef þeir eru óheppnir) unnið sér inn kettling...

Eins hvetjum við ykkur til að setja inn skilaboð og tilkynna um komu ykkar.  Gaman væri að þið mynduð senda Ómari og Margréti Hörpu myndir á netfangið; omargret@simnet.is af síðustu ættarmótum.  Sérstaklega hefðum við gaman af því að fá myndir af þeim Skúla og Ásbergi ef þið eigið þær til.

Bankareikningur vegna ættarmótsins er reikningur 0111-15-373079. Kt: 300748-3339. Endilega sendið kvittun á netfangið omargret@simnet.is svo að við sjáum hver er búinn að borga og munu þá mæta.

Við hlökkum til að sjá ykkur þann 28. júlí næstkomandi.

Með kveðju,

Systkinin í Lambhaga